L.N. Gýmılev atyndaǵy Eýrazııa ulttyq ýnıversıtetiniń saıasattaný kafedrasy stýdentterge arnalǵan on kúndik kóktemgi onlaın mektep uıymdastyryp jatyr.
«Akademııalyq jazý jáne qoldanbaly saıasattaný» atty halyqaralyq kóktemgi mektep jýrnalıstıka jáne saıasattaný fakýltetiniń qurylǵanyna on jyldyq mereıtoıyna oraı uıymdastyryldy.
Shara jas izdenýshiler men bilim alýshylarǵa saıası ǵylymdaǵy akademııalyq, qoldanbaly, tájirıbelik daǵdylardy meńgerýdi, ınnovasııalyq sıfrlyq tehnologııalar men zamanaýı ǵylymı zertteý ádisterin úıretýdi kózdeıdi.
On kún boıy stýdentter paıdaly dárister tyńdap, tájirıbeli mamandardan bolashaq mamandyǵyna qatysty keńes alady. Spıkerler ishinde depýtat Merýert Kazbekova, Serik Sapıev jáne basqa da belgili saıasattanýshylar men jýrnalıster bar.
Alǵashqy kúni shara qonaǵy Nur-Sultan qalasy jastar saıasaty máseleleri basqarmasynyń basshysy Dáýlet Káribek memlekettik jastar saıasatyn júrgizýdegi jobalyq menedjment taqyrybynda kezdesý ótkizdi.
Kóktemgi mektepke áleýmettik-gýmanıtarlyq ǵylymdardyń bakalavrıat, magıstratýra, doktorantýra deńgeıleriniń bilim alýshylary men saıasattanýǵa qyzyǵatyn joǵary synyp mektep oqýshylary da qatysyp jatyr.