Maqtaaral aýdanynda endi О́rgebas eldimekenin sý basty. Bul týraly oblys ákimdiginiń baspasóz qyzmeti habarlady.
«Búgin tańǵy 05.00-ten bastap 250 úıi sýǵa batqan Ferdoýsı aýyly baǵytynan Jańajol aýyldyq okrýginiń О́rgebas eldimekenine qaraı sý kele bastady. Eki aýyldyń ara qashyqtyǵy - 3 shaqyrym. Tańǵy 8.00-de sý О́rgebas eldi mekeniniń 194 úıin basyp qaldy. Aýyldyń 1451 turǵyny evakýasııalandy. Kóshirý barysynda zardap shekkender joq», delingen habarlamada.