Búgin áıgili fýtbolshy Sesk Fabregastyń týǵan kúni. Kezinde jasyl alańda jasyndaı jarqyraǵan, qazir de táp-táýir oıyn órnegin kórsetip júrgen teńbil dop sheberi 33 jasqa tolyp otyr.
Sesk 1987 jyldyń 4 mamyrynda Ispanııanyń Katalonııasynda dúnıege keldi. Ár jyldary ol «Barselona», «Arsenal» jáne «Chelsı» syndy ataqty komandalarda óner kórsetti. Bul kúnderi aıtýly jartylaı qorǵaýshy «Monakonyń» namysyn qorǵaýda.
10 jyl boıy Fabregas Ispanııa ulttyq quramasynyń namysyn qorǵady. Aıtýly komanda sapynda 2010 jyly álem chempıony, 2008 jáne 2012 jyldary Eýropa chempıony, 2009 jáne 2013 jyldary Konfederasııa kýbogynyń júldegeri atandy.