Túrkistan oblysy Maqtaaral aýdanyndaǵy sý tasqynynyń saldarynan qıyn jaǵdaıǵa ushyraǵan azamattarǵa qoldaý bildirgisi keletinder kóp. Bul oraıda «Túrkistan» korporatıvtik áleýmettik damý qory jumys isteıdi.
Al búgin Jambyl oblysy ákimdigi uıymdastyryp, jibergen 30 tonnadan asa azyq-túlik tıelgen kerýeni Maqtaaral aýdanyna keldi.
Jambyldyq kásipkerler 10 tonna un, 10 tonna kúrish, 5 tonna qant, 1 tonna grechka, 2 tonna suıyq maı, 2 tonna makaron ónimderi men 5 tonna gıgıenalyq zattar jóneltken. Demeýshilerdiń esebinen jınalǵan kómek qyzyl sýdan zardap shekken azamattarǵa úlestiriledi.