Batys Qazaqstan oblysynda sońǵy táýlikte «COVID-19» ınfeksııasyn juqtyrǵan 12 tirkeldi. Onyń beseýi - Reseı Federasııasynda jumys jasaıtyn azamat bolsa, jeteýi – medısına qyzmetkerleri.
«Koronavırýs anyqtalǵan ekeýi – Túrkistan, bireýi – Batys Qazaqstan oblysynyń jáne ekeýi – Shymkent qalasynyń turǵyndary» dep habarlady Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaev.
Koronavırýs ınfeksııasy anyqtalǵan 7 medısınalyq qyzmetker vırýsty naýqastardan juqtyryp alǵan.
- Búgingi tańda juqpaly aýrýlar aýrýhanasynda 36 medısınalyq qyzmetker emdelip jatyr, olar – 7 dáriger, 12 medbıke, 12 sanıtar, 4 býfetshi, 1 dezınfektor. Olardyń 20-sy – jeńil túrimen, 14-i – ortasha túrimen aýyrǵan, - dedi Batys Qazaqstan oblystyq densaýlyq saqtaý basqarmasynyń basshysy Bolatbek Qaıýpov. Onyń aıtýynsha, buǵan deıin aýrý juqtyrǵan eki medısına qyzmetkeri jazylyp shyqqan.
Jalpy Batys Qazaqstan oblysy boıynsha búginge deıin koronavırýstyq juqpadan 31 adam jazylyp shyqty. Al aýrýhanalarda «COVID-19» dıagnozymen 155 adam emdelýde. 53 adam – provızorlyq stasıonarda, 157 adam – karantındik stasıonarda, 2407 adam - úı jaǵdaıynda oqshaýlanyp, dáriger baqylaýyna alynǵan.
Batys Qazaqstan