Shymkent qalasy TJ departamentiniń qyzmetkerleri Maqtaaral aýdanyndaǵy sý basqan eldi mekenderde avarııalyq-qutqarý jumystaryn júrgizip jatyr.
Atalǵan aýdanǵa 2020 jylǵy 2 mamyrda shyqqan qutqarýshylar kún saıyn aýdannyń eldi mekenderindegi sýdyń deńgeıine monıtorıng júrgizýde, jergilikti halyqqa kómek kórsetý úshin sý basqan aýyldardy aralaýda. Osylaısha, Shymkent qalasy TJD Jedel-qutqarý jasaǵynyń qutqarýshylary Jeńis aýylynda iri jáne usaq maldardy qutqarý jumystaryn júrgizdi.
200-den astam úı ornalasqan О́rgebas aýylynda qutqarýshylar qaıyqta tekserý júrgizip, nátıjesinde jergilikti turǵyndarǵa kómek kórsetti. Sý basqan úılerden olar qundy zattar men qujattardy kóshirýge kómektesti. Sondaı-aq, aýyldy sý aǵysynan qorǵaý úshin qutqarýshylar jergilikti turǵyndarmen birlesip, jaǵalaýdy bekitý jumystaryn júrgizdi. Barlyǵy 100 qap qum tóseldi.
Komandalyq-shtabtyq mashınasy arqyly QR IIM Tótenshe jaǵdaılar komıtetiniń, Túrkistan oblysynyń jáne Shymkent qalasy TJ departamentiniń basshylarymen baılanys ornatyldy. Shymkent qalasynyń qutqarýshylary sý deńgeıiniń monıtorıngin jáne avarııalyq-qutqarý jumystaryn júrgizýdi jalǵastyrýda, oǵan jeke quramnan 17 adam jáne 4 birlik tehnıka jumyldyryldy.
Aıta ketsek, búgin Shymkent qalasynan Maqtaaral aýdanyndaǵy sý basqan eldi mekenderge avarııalyq-qutqarý qyzmeti úshin 30 arnaıy tehnıka jiberildi.
Shymkent