Qazalylyq dıqandar kún jylynǵannan jer tyrmalap, egin egýge daıyndyqty bastap ketti. Qazir sharýalar egistik jerdi tazalaý men jer jyrtýdy aıaqtap, tuqym sebý jumystaryn qolǵa alýda.
Senbi kúni aýdan ákimi Murat Ergeshbaev «Syr marjany» seriktestiginiń egistik alqabynda alǵashqy dán sebý rásimine qatysyp, dıqandarǵa sáttilik tiledi.
Sondaı-aq, egis alqabynda salalyq mekemeler jáne sharýashylyq basshylarymen kezdesip, kúrish egý jumystarynyń barysymen tanysty.
Aýdan boıynsha bıyl 6341 gektar jerge kúrish egý mejelengen. Búgingi kúni onyń 350 gektaryna tuqym sebilip, 200 gektary sýǵa bastyryldy.