Qasym-Jomart Toqaev ál-Farabı men Abaı mereıtoılary aıasynda josparlanǵan kóptegen is-sharalardyń qalaı júzege asatynyn «Egemen Qazaqstan» gazetine bergen suhbatynda aıtyp berdi.
«Ulylardy ulyqtap, danalardy dáripteý – halqymyzdyń ıgi dástúri. Biz Ál-Farabı men Abaı murasyn zerdeleý arqyly qazaq dalasyndaǵy órkenıettiń tamyry tereń ekenin kórsetemiz. Sondyqtan bul mereıtoılar – bárimizge úlken syn. Abaı óziniń «tolyq adam» tujyrymyn mıras etse, ál-Farabı «baqytqa jetý jolyndaǵy qaıyrymdy qoǵam» qaǵıdasyn ósıet etip qaldyrdy. Uly oıshyldardyń ádildik pen izgilik jónindegi ustanymy barshaǵa belgili. Meniń «Halyq únine qulaq asatyn memleket» atty tujyrymdamam osy qaǵıdalarmen úndesedi»,-dep atap ótti Memleket basshysy.
Ol qos dananyń mereıtoıyn atap ótýde josparlanǵan sharalardyń áleýmettik jeliler men ınternet-resýrstarda keńinen nasıhattalatynyn aıtty.
«Mereıtoılar aıasynda memlekettik jáne óńirlik josparlar jasaldy. Búginge deıin keıbir jobalardy júzege asyryp úlgerdik. Qazirgi ahýalǵa baılanysty túrli mereıtoılyq sharalar onlaın formatynda ótkizilýde. Bul jobalar áleýmettik jeliler men ınternet-resýrstarda da keńinen nasıhattalady»,- dedi Q.Toqaev.