Taǵaıyndalǵannan beri oblys ákimi Ábilqaıyr Sqaqov oblys ortalyǵyn jıi aralaı bastady.
Jýyrda qaladaǵy Amangeldi Imanov atyndaǵy kósheniniń keńeıtilý jumystarymen, ataýy birtúrli Zaton shaǵyn aýdanynda salynyp jatqan qazaq mektebiniń qurylysymen tanysty.
Oblys ákimi Dostyq shaǵyn aýdanyndaǵy turǵyn úı qurylysynyń jumys barysyn aralap kórdi. Másele-turǵyn úı qurylysynyń qalanyń bas josparyna sáıkes emestigi, shaǵyn aýdanda birkelki sáýlettik beıneniń bolmaýynda.Tipti, salynyp bitken turǵyn úıdiń baǵasy naryqtyq baǵadan birshama joǵary bolǵany, keleshekte nesıelik úıdi alatyndar úshin qıyn bolatyny da taǵy bir másele.
- Bizge qurylys mádenıetin joǵarylatý kerek. Búgin turǵyn úı qurylysy salasynda suraqtar kóp,-dedi Ábilqaıyr Sqaqov óńirdiń bas sáýletshisi Nurlan Qaqambetovke.
Sondaı-aq, Dachnyı shaǵyn aýdanyndaǵy aýlaishilik aýmaq jobasyna nazar aýdardy. Bul jerde balalar alańyn jáne sport, mını-fýtbol alańdaryn ornatyp, saıabaq pen kólik qoıatyn oryndardy túzetip, aǵashtar otyrǵyzylýda.
– Aǵash otyrǵyzý jumystary boıynsha jergilikti ekologtarmen keńesý kerek, - dedi oblys ákimi. –Aýlalardaǵy aǵashtar sanyn belgili kórsetkish shyǵarýymyz kerek. Josparlanǵan jumystardy oryndamas buryn, jergilikti turǵyndarmen keńesip, iske kirisken jón.
Sonymen qatar, Dachnyı shaǵyn aýdanynda jylý júıesiniń qurylysy bastaldy. Jańa jeliniń uzyndyǵy 1,9 myń metrge jýyq. Jelini «Nuraı Stroı» JShS qurylys kompanııasy júrgizýde.
Oblys basshysyna «Shahmat úıin» jóndeý boıynsha jobasy, «Jumyspen qamtýdyń jol kartasy» aıasynda balalar-jasóspirimder sport mektebin qalpyna keltirý jospary tanystyryldy.
Pavlodar oblysy