Bul suraqqa Nur-Sultan qalasy bilim basqarmasynyń basshysy Sholpan Qadyrova jaýap berdi. Bárimiz biletindeı, 2020 jyldyń 18 naýryzynan bastap barlyq mektepke deıingi bilim berý uıymdary menshik nysanyna qaramastan óz qyzmetin toqtatty.
– Balabaqsha qyzmetkerleri men meńgerýshilerine óz qalaýy boıynsha aqyly eńbek demalysy berildi. Menshik nysanyna qaramastan barlyq mektepke deıingi uıymdar tótenshe jaǵdaı kezeńinde memlekettik tapsyrys boıynsha qarjylandyrýmen tolyq qamtamasyz etilgen.
Mektep jasyna jetken balalardy balabaqshadan shyǵarý jyl saıyn 1 tamyzǵa deıin, sondaı-aq balalardy jas erekshelikterine baılanysty bir toptan kelesi topqa aýystyrý aǵymdaǵy jylǵy 1-31 tamyz aralyǵynda júzege asyrylady. Sonymen qatar, QR-da tótenshe jaǵdaı rejımi men karantın engizilýine baılanysty mektepke deıingi uıymdardyń qyzmeti tótenshe jaǵdaı rejımi aıaqtalǵanǵa deıin toqtatyldy, – dedi Sh.Qadyrova.
Atalǵan vedomstvo basshysynyń aıtýynsha, Basqarma mektepke deıingi uıymdardaǵy bosaǵan oryndar men túlekterdiń sanyna monıtorıng júrgizýde. Jınaqtaý merzimi týraly sheshim tótenshe jaǵdaı rejımi alynǵannan keıin qabyldanady.
Mektepke deıingi uıymdar óz jumysyn bastaý úshin Densaýlyq saqtaý mınıstrligi obektilerdi paıdalanýǵa berý tártibi men erejelerin ázirleýde. Bul qujatta obektilerde sanıtarlyq-dezınfeksııalyq rejımdi saqtaý normalary, sondaı-aq Mektepke deıingi balalar uıymdarynyń kezekshi toptarynyń rejım algorıtmi kórsetiledi. Balabaqshalardyń naqty qaı ýaqytta jumysyn bastaıtyny tótenshe jaǵdaı aıaqtalǵannan keıin belgili bolady.