Tasqyn sýdan zardap shekken Maqtaaral aýdanyna saryaǵashtyqtar da alǵashqylardyń biri bop jalpy quny 1 mln 735 myń teńgeniń gýmanıtarlyq kómegin kórsetti. Onyń ishinde azyq-túlikten bólek, kórpe-tósek, gıgıenalyq zattar, balalarǵa qajetti keńse taýarlary da bar. Atalǵan zattar Saryaǵash aýdanyna bekitilip berilgen 5 mektepte ornalasqan 700-ge jýyq turǵynǵa taratylyp berilýde.
Aýdan ákimi Muhıt Otrashıev bastaǵan arnaıy top birinshi kúnnen-aq evakýasııa oryndaryna kelip, 5 mektepti óz qamqorlyǵyna alǵan bolatyn. Búginde evakýasııalyq oryndarda Saryaǵash aýdany ákimdiginiń 30-dan astam memlekettik qyzmetkeri kúndiz-túni halyqqa qaltqysyz eńbek etýde.
«Maqtaaral aýdanyndaǵy tótenshe jaǵdaıdy estı sala alǵashqylardyń biri retinde kómek berýdi jón kórdik. Ásirese, úılerin sý shaıǵan azamattardy qamqorlyǵymyzǵa alýdy oıladyq. Bul ıgi bastamamyz saryaǵashtyq jomart azamattardan birden qoldaý tapty. Eń bastysy - adam shyǵyny joq. Jan aman bolsa, basqasynyń bári ornyna keleri sózsiz. Sondyqtan Myrzashól halqyna sabyrlyq pen aýyzbirlik tileımin!», deıdi Saryaǵash aýdanynyń ákimi Muhıt Otarshıev.
Túrkistan oblysy