«Koronavırýsqa jahandyq jaýap berý» aksııasy aıasynda aqsha jınaý týraly jaqynda Belgııa astanasy Brıýsselde jarııalandy. Onlaın konferensııanyń birinshi kúni 7 mlrd 400 mln eýro jınaldy. Atalǵan aksııa eki aptaǵa sozylady.
DDSU men Eýrokomıssııanyń qoldaýymen, aksııanyń uıymdastyrýshylary — Eýropalyq Odaq elderi jáne qaýymdastyqqa kirmeıtin Ulybrıtanııa, Norvegııa jáne Saýd Arabııasy elderi. Sondaı-aq aksııaǵa Japonııa, Kanada, OAR jáne basqa elderdiń kóshbasshylary qosyldy.EO elderi bir mıllıard eýro bólý týraly málimdedi. Taǵy osynshama bir mıllıard AQSh dollaryn Norvegııa beremiz dep ýáde etti. «Biz bir adam qorǵalǵan, basqalary qorǵalmaǵan álemde ómir súre almaımyz. Bul ortaq jaýdy jeńý ǵana emes, sonymen qatar ortaq qaýipsiz bolashaqty qurý múmkindigi. Aqsha jınaý prosesi 23 mamyrǵa deıin jalǵasady», — dedi DDSU bas dırektory Tedros Adhanom Gebreıesýs.Is-sharanyń seriktesteri retinde Dúnıejúzilik densaýlyq saqtaý uıymy, Bıll jáne Melında Geıts qory, Vaksınalar men ımmýndaý boıynsha jahandyq alıans jáne basqa da halyqaralyq qurylymdar qatysady.