Ortalyq kommýnıkasııalar qyzmetinde ótken brıfıngte Eńbek jáne halyqty áleýmettik qorǵaý vıse-mınıstri Erlan Áýkenov «Ardagerler týraly» jańa zańynda aıqyndalǵan ardagerlerdiń sanattary men olardy áleýmettik qoldaý sharalary týraly aıtty.
Erlan Áýkenov ardagerlerdiń áleýmettik qorǵalatyn 5 sanaty jáne olar úshin arnaıy memlekettik járdemaqy mólsheri anyqtalǵanyn aıtty.
- Uly Otan soǵysynyń ardagerleri úshin - 16 AEK (44 448 teńge, 1025 adam);
- basqa memleketter aýmaǵyndaǵy áskerı is-qımylǵa qatysýshy ardagerler úshin - 6,19 AEK (17 196 teńge, 21 729 adam) jáne 4,8 AEK (13 335 teńge, 10 248 adam);
- Uly Otan soǵysynyń ardagerlerine jeńildikter men kepildikter boıynsha teńestirilgen ardagerler - 7,55 (20 974 teńge, 16 175 adam) jáne 6,19 AEK (17 196 teńge, 21 729 adam);
- eńbek ardagerleri - 138,63 (385 115 teńge) jáne 2,13 AEK (5 918 teńge, 107 701 adam);
- tıisti zańmen qamtylǵan adamdardyń basqa sanattary - 4,8 (13 335 teńge, 4 299 adam), 4,48 (12 357 teńge, 15 adam) jáne 4,59 AEK (12 752 teńge, 13 454 adam).
«Zańda Uly Otan soǵysynyń ardagerlerine jeńildikter men kepildikter boıynsha teńestirilgen tulǵalar qatarynan basqa memleketterdiń aýmaǵyndaǵy áskerı is-qımyldardyń ardagerleri atap kórsetilgen. Osylaısha Aýǵanstan, Vetnam, Aljır, Egıpet jáne basqa memleketterdegi áskerı qımyldarǵa qatysqan áskerı qyzmetshiler áskerı is-qımyl ardagerleri sanatyna enedi. Sonymen birge barlyq qoldanystaǵy jeńildikter men járdemaqylar saqtalyp qalady», - dedi Erlan Áýkenov.
Osy sanattaǵy ardagerlerdiń qatary TMD elderiniń 1994 jyly Qazaqstan ratıfıkasııalaǵan ardagerlerge beriletin jeńildikter men kepildikterdi ózara taný týraly kelisiminde bekitilgen. Bul sanatqa Keńes Odaǵy qarýly kúshteriniń qatarynda ár jyldary 23 qaqtyǵysqa qatysqan áskerı qyzmetshiler kiredi.