Uly Otan soǵysy qatysýshylaryna 1 mln teńge kóleminde birjolǵy materıaldyq kómek berildi. Bul týraly Eńbek jáne halyqty áleýmettik qorǵaý vıse-mınıstri Erlan Áýkenov aıtty.
«Qazaqstannyń barlyq óńirlerinde Uly Otan soǵysynyń (UOS) qatysýshylary men múgedekterine 1 mln teńge kóleminde birjolǵy materıaldyq kómek kórsetildi. Jalpy soǵys kezinde maıdanǵa 1 mln 200 myńnan astam qazaqstandyq shaqyrylǵan, 20-dan astam atqyshtar dıvızııasy men basqa da quramalar qurylǵan edi. Jaýyngerlik erlikteri úshin myńdaǵan qazaqstandyq medaldarmen jáne ordendermen marapattaldy, 500-ge jýyq adam Keńes Odaǵynyń batyry atandy. Tórt qazaqstandyq eki márte batyr atandy, 110 qazaqstandyq úsh dárejeli Dańq ordenimen marapattaldy» dedi vıse-mınıstr.