Elde tótenshe jaǵdaıdyń engizilýine baılanysty qujattar merzimi ótken azamattardyń sany artty, osyǵan oraı QR IIM mınıstriniń nusqaýyna sáıkes búkil el aýmaǵynda QR azamattaryn qujattandyrýǵa baǵyttalǵan is-sharalar júrgiziletin bolady, dep habarlady Mańǵystaý oblystyq polısııa departamenti baspaóz qyzmeti.
Aqtaýda Kóshi-qon qyzmeti basqarmasynyń qyzmetkerleri jeke kýálikteri merzimi ótip ketken qarttardyń úılerine bardy. Sol jerde olar qujattardy resimdep, sýretke túsirdi jáne belgili bir ýaqyttan keıin qyzmetkerler daıyn jeke kýálikterin jetkizetin bolady.
Osyndaı qyzmetti alǵashqy alýshylardyń biri Vladımır Tropın boldy. Vladımır Aleksandrovıch - eńbek sińirgen energetık, zeınetker. Ol atap ótkendeı, qujattardy úıde resimdeý qart adamdardyń ómirin jeńildetedi, HQKO-ǵa barýdyń qajeti joq. Azamattar polısııa qyzmetkerlerine qart adamdardy nazardan tys qaldyrmaı, qamqorlyq kórsetkeni úshin alǵystaryn bildirdi.
Kóshi-qon qyzmetiniń qyzmetkerleri azamattardyń belgili bir sanaty úshin qujattardy rásimdeý úshin úıge barýdy júzege asyrady, atap aıtqanda, olar - óz jasyna jáne jaǵdaılaryna baılanysty HQKO-ǵa ózderi kele almaıtyn egde men úıden shyǵa almaıtyn adamdar.
Azamattardyń qalǵan sanattary HQKO arqyly jaramsyz qujattarmen turǵany úshin ákimshilik jaýapkershilikke tartylmaı, talondy aldyn ala egov (1414) arqyly brondap, rásimdele alady.
Atalǵan is-shara joǵaryda kórsetilgen sanattaǵy azamattarǵa kómek kórsetýge, Halyqqa qyzmet kórsetý ortalyǵynyń jumysyn jeńildetýge baǵyttalǵan. Jaqyn arada oblystyń barlyq aýmaǵynda HQKO fılıaldary ashylady jáne jumys shtattyq tártipte júrgiziletin bolady.
Mańǵystaý oblysy