Búginde COVID-19-dyń saldarynan kóptegen iri kásiporynnyń qyzmeti toqtap, onyń ónim óndirý kólemi kemip ketti. Alaıda bul jaǵdaıdyń elimizdiń iri ónerkásiptik ortalyǵy – Aqtóbege qatysy joǵyn senimmen aıta alamyz. О́ıtkeni oblystaǵy barlyq kásiporyn men zaýyt sanıtarlyq-epıdemıologııalyq talaptardy qatań saqtaı otyryp, jumys qarqynyn tómendetpedi.
Pandemııa kezinde mundaǵy ónerkásiptik kásiporyndardyń bári birdeı turyp qalsa, budan keletin shyǵyndar astronomııalyq deńgeıge kóterilip, trıllıonǵa taban tireıdi.
Mundaı jaǵdaıǵa jol bermes úshin oblystyq jedel shtab ókilderi óńirdegi ónerkásiptik kásiporyndardyń qyzmetin basty nazarǵa aldy.
Aıta keterligi, ótken aılarǵa júrgizilgen taldaý qorytyndylary boıynsha aımaqta ónerkásip óndirisiniń kólemi 104 paıyzǵa ósipti. Bul jóninde Aqtóbe oblysy ákiminiń orynbasary Qaırat Bekenov «Egemen Qazaqstan» gazetiniń tilshisine málimdedi.