Búgin qazaqtyń dańqty balýany, Qazaqstannyń Eńbek Eri Jaqsylyq Úshkempirovtiń týǵan kúni. Abyz aqsaqal 69 jasqa tolyp otyr.
Jaqsylyq Ámiráliuly 1951 jyldyń 6 mamyrynda Jambyl oblysy Baızaq aýdanynyń Tegistik aýylynda dúnıege keldi. Erkin kúrespen eki jyl ǵana aınalysqanyna qaramastan ol Qazaqstan chempıony atyndy. Soǵan qaramastan 20 jastaǵy jigittiń bul tabysyn «kezdeısoqtyq» dep eseptegen bapkerler ony quramaǵa almady. Soǵan ókpelegen Jaqsylyq grek-rım kúresi úıirmesine aýysty. Kúrestiń bul túrinde keıipkerimizdiń tolaǵaı tabystarǵa qol jetkizgeni barsha jurtqa málim.
Jaqsylyq Úshkempirovtyń sporttyq ǵumyryndaǵy eń zor tabysy – Máskeý Olımpıadasynyń altyn medali. Sol jarysta qandasymyz rýmynııalyq Konstantın Aleksandrý, polshalyq Roman Kerpach, majarstandyq Frens Sheresh jáne bolgarııalyq Pavel Hrıstovty utyp, «máńgi tozbas ataqqa» qol jetkizdi. Sonymen qatar. Jaqań birneshe ret KSRO chempıonatynda top jaryp, Eýropa birinshiliginiń kúmis medalin ıelendi. 1981 jyly Osloda ótken álem chempıonatynyń jeńimpazy atanǵannan keıin dańqty balýan boz kilemmen qosh aıtysty.