Otanyn sheksiz súıetin, týǵan jerin kóziniń qarashyǵyndaı qadirleıtin sarbazdar barda el armııasy eshqashan bıiginen alasarmaıdy. Jyl sanap qarý-jaraq túrleri, qajetti qural-jabdyqtar qatary jańaryp, jetildirilý ústinde. Bul – Joǵarǵy Bas Qolbasshy-Qazaqstan Prezıdentiniń el qaýipsizdigine degen erekshe kózqarasyn ańǵartyp tur.
Qazaqstan áskeriniń áleýeti artqan saıyn, sarbazdardyń da áleýmettik jaǵdaıyna kóńil bólinip keledi. Túrli áleýmettik qoldaýlar bar. Ondaı qoldaýdy Turǵyn úı qurylys jınaq banki de tanytyp otyr. Máselen, áskerı qyzmetkerler men arnaıy memlekettik organdar qyzmetkerlerine arnalǵan qoljetimdi baǵdarlama bar. Atalǵan banktiń salymshysy atanyp, men de baspanaǵa ıe boldym. Bul – Otan qorǵaýdy ómiriniń ustanymyna aınaldyrǵan ásker qyzmetshilerge kórsetilip kele jatqan qoldaýdyń bir parasy ǵana.
Áskerı qyzmet salasynda eńbek etip kele jatqanyma osymen on eki jyldyń júzi boldy. Jetken jetistikterim de bar. Aıtalyq, 2016 jyly Reseı Federasııasynda ótken «Úzdik barlaýshylar» saıysyna qatysyp, 3-orynǵa taban tiredik. Men ol kezde Lýgovoı kentindegi áskerı bólimde rota komandıri laýazymynda qyzmet atqaryp júrgen edim. Qazirgi tańda «Astana» óńirlik qolbasshylyǵyna qarasty 31775 áskerı bóliminde qyzmet etip kelemin.
1942 jyly irge qalaǵan bul bólimniń tamyry da, tarıhy da tereńde. Biz jaýyngerlik daıarlyq josparyna sáıkes, jaıaý áskerdiń urys mashınasy sanalatyn BMP-2-ni tizgindep, ári osy mashına arqyly synaq alańdaryndaǵy jattyǵýlar kezinde atys ta júrgizemiz.
Elimizde tótenshe jaǵdaı jarııalanyp, indetpen kúrestiń aldyńǵy shebinde dárigerlermen qatar, elimizdiń Kúshtik qurylymdardyń qyzmetshileri de júr. Biz de óz kezegimizde Qaraǵandy oblysy aýmaǵyndaǵy adamdar kóp jınalatyn oryndarda dezınfeksııa júrgizýge qatystyq. Baqylaý-ótkizý beketterindegi jumystarǵa jumyldyryldyq. Sebebi Otan qorǵaý – ortaq is. Osyndaı qıyn-qystaý kezeńde keıinge qalar dep senemiz. Sondyqtan jarǵaq qulaǵy jastyqqa tımeı, qarapaıym adamdardyń amandyǵyn, el egemendiginiń turaqtylyǵyn tilegen Otan qorǵaýshylardyń eńbegi únemi zor dep bilemin. Qarýly Kúshterdiń árbir áskerı qyzmetshisi Qazaqstannyń qaýipsizdigin qorǵaýǵa daıyn. Aıanbaı eńbek etedi. Barsha Otan qorǵaýshylardy merekemen quttyqtaımyn!
Baǵlan QOJAHMETOV,
kapıtan, «Astana» óńirlik qolbasshylyǵyna qarasty 31775 áskerı bóliminiń ekinshi motoatqyshtar batalonynyń komandıri