Egde jastaǵy erli-zaıyptylardy óltirdi degen kúdikti ustaldy dep habarlady oblystyq polısııa departamenti. Ol Shýchınsk qalasynyń 24 jasar turǵyny bolyp shyqty.
Asqan aıýandyqtan ajal qushqan 1937 jyly týǵan er adam men onyń 73 jasar jarynyń máıitteri Kókshetaý qalasyndaǵy kópqabatty úılerdiń páterleriniń birinde sáýirdiń 30-ynda tabylǵan bolatyn.
Tájirıbeli qyzmetkerlerden quralǵan tergeý-jedel tobyn Aqmola oblystyq polısııa departamentiniń bastyǵy Armanbek Baımýrzınniń ózi basqardy. Júrgizilgen jumystyń nátıjesinde kúdikti Kókshetaý qalasynda 3 mamyr kúni qolǵa tústi. 29 sáýir kúni túnde, Shýchınsk selosynyń 24 jasar turǵynynyń oblys ortalyǵyndaǵy I.Esenberlın kóshesinde ornalasqan úıdiń 1 qabatyndaǵy páterge túskendigi anyqtaldy.
Páter ıeleri qaraqshynyń qylmysynyń ústinen túsken. Jasaǵan urlyǵynyń izin jasyrý úshin ol qarııalardy óltirgen, onymen qoımaı, jeke zattaryn da jymqyryp ketken. Kúdiktini qolǵa túsirgen kezde odan zattyq aıǵaqtar da tabylǵan. Qazirgi ýaqytta qos qarııany qınap óltirgen qandy qol qaraqshy ýaqytsha tergeý ızolıatoryna qamaldy. Sot aldyndaǵy tergeý amaldary jalǵasýda.