Maqtaaraldaǵy apattyń saldaryn joıý úshin Shymkent qalasynan kelgen 35 748 áskerı bólimi ózderiniń kásibı merekelerinde qyzyl sý basqan aımaqta jumys istedi.
Áskerı bólim basshysynyń qarý-jaraq jónindegi orynbasary, podpolkovnık Rahmatýlla Taspolaev bastap kelgen 112 sarbaz sý astynda qalǵan eldi mekenderdi tazalaý jáne halyqqa kómek berý jumystaryn júrgizýde.
Jol talǵamaıtyn 20 KaMAZ tehnıkasyn ala kelgen áskerı bólim qyzmetkerleri veterınarlyq qyzmet jáne ákimdik ókilderimen birge sý basqan eldi mekender ishine kirip, aman qalǵan jan-janýarlardy, zattardy halyqqa jetkizýde. Áskerıler adam aıaǵy bara almaıtyn jerlerge kedergisiz jetip, tabylǵan mal ólekselerin qurǵaq jerge tasýda. Eldi mekenderge top-toppen bólingen sarbazdar 6 kún boıy baılaýly turǵan buzaýdy sý qursaýynan aman alyp shyǵyp, veterınar mamandarǵa tabystady. Budan bólek, mamandar Atakent aýylyndaǵy kómek qolyn qajet etken qoımalarǵa baryp júk túsirýge de járdem berýde.
Sondaı-aq áskerıler kúni keshe О́rgebas aýylynda 10 júk kóligine tıelgen qumdy qapqa salyp, uzyndyǵy 1,5 shaqyrym bolatyn damba turǵyzdy.