Elorda turǵyndary Jeńis merekesin balkonda, shammen qarsy aldy, dep habarlaıdy ákimdiktiń resmı saıty.
8 mamyr kúni Nur-Sultan qalasynda Uly Otan soǵysyndaǵy Jeńistiń 75-jyldyǵyna oraı #Máńgilikalaý #Vechnyıogon aýqymdy aksııasy ótti. Astanalyqtar uıaly telefon shamdaryn jaǵyp 22.00-de óz úıleriniń balkondaryna shyqty.
«Jarqyn bolashaqqa degen senim biz úshin mańyzdy ekenin jetkizgimiz keldi. Aksııa ardagerlerge arnalǵan. Biz, jas urpaq, olardy úlgi tutamyz jáne atalarymyzǵa erlikteri úshin, bizge bergen beıbit aspan astynda ómir súrý múmkindigi úshin alǵys aıtamyz», – dedi aksııany uıymdastyrýshy Azat Abyken.
Sondaı-aq qala turǵyndary Uly Jeńistiń qurmetine patrıottyq jáne áskerı ánder oryndady («Atameken», «Den Pobedy», «Katıýsha»). Astananyń kórikti jerlerinde birlik sımvoly retinde jáne soǵys batyrlaryn eske alý úshin máńgilik alaý jaǵyldy.