Qazaqstan halqy Assambleıasynyń múshesi, kásipker Bahadyr Irısmetov basqaratyn Túrkistan qalalyq ózbek etnomádenı birlestigi maqtaaraldyqtarǵa azyq-túlik, kıim-keshek, turmysqa qajetti zattar, gıgıenalyq quraldar, jıhazdar tıelgen gýmanıtarlyq kómek jetkizdi. Kómek kerýendegi múliktiń jalpy quny - 9 mln 862 myń teńge.
«Osyndaı qıyn sátte barsha halyq Maqtaaral turǵyndarymen birge ekendikterin kórsetip, qoldan kelgen járdemin berip jatyr. Túrkistan qalalyq etnomádenı birlestikterdiń ókilderi de osy eldiń tez eńse tikteýine tileýles bolýda. Qazir evakýasııalyq ortalyqtarda ornalasqan azamattardyń suranysy azyq-túlik emes kıim-keshek, kórpe-tósek pen gıgıenalyq zattar. Osy jaıtty eskerip, biz naǵyz qajetti zattardy ákelýdi jón kórdik», deıdi Bahadyr Irısmetov. Kómek kerýenindegi júk oblystyq shtab qoımasyna túsirildi. Jurt amanatyn jetkizip bergen birlestik jetekshileri mundaı qaıyrymdylyq sharalary aldaǵy ýaqytta da jalǵasatynyn aıtady.
Túrkistan oblysy