Ǵaryshta Reseıdiń «Fregat» údetkish blogynyń janarmaı bagynda jarylys bolyp, nátıjesinde 65 synyq paıda bolǵan. Bul týraly TASS agenttigi AQSh-tyń áskerı qarýly kúshterine silteme jasap habarlady.
Amerıkalyq áskerılerdiń málimetterinshe, oqıǵa 8 mamyrda bolǵan.
Bul údetý blogyn 1990 jyldary S. A. Lavochkın atyndaǵy ǵylymı-óndiristik birlestigi jasap shyǵarǵan. Negizinen údetý blogy zymyran tasyǵyshtyń quramynda qosymsha ról atqarady. Olar ǵarysh apparattaryn jer mańyndaǵy orbıtalardyń keń spektrine, sondaı-aq planetaaralyq traektorııaǵa shyǵarýdy qamtamasyz etedi.