Soltústik Qazaqstan oblysynda onlaın rejimde júrgizilgen aqyndar músháırasy márege jetti. Onyń taqyryby aty jaman indetke qarsy kúresip jatqan dárigerler men polısııa qyzmetkerleriniń halyq aldyndaǵy ólsheýsiz eńbegin dáripteý.
Osy taqyrypty oılap taýyp, aqyndardyń erekshe músháırasyn qolǵa alǵan oblystaǵy Aqyndar mektebiniń tóraǵasy Jarqyn Juparhan. Onyń aıtýyna qaraǵanda múshaıraǵa oblystyń barlyq túkpirlerinen 20 aqyn qatysqan. Olardyń jastary 15 pen 35 jas aralyǵynda. Músháıraǵa qatysqan aqyndardyń shyǵarmalaryn aldymen qazylar alqasy qarap, segizin ǵana konkýrsqa joldaǵan. Osy aqyndardyń óleńderi áleýmettik jeliler arqyly halyqqa tanystyrylǵan.
Segiz aqynnyń arasynan sýyrylyp shyqqan, oblysqa belgili jas aqyn Amanjol Zaǵypar boldy. Onyń óleńi búgingi indettiń zardabyn soǵys órtimen ushtastyryp, utymdy qııýlastyrylǵan eken. Aıtatyn oılary, aqyndyq sheberligi de basqalarǵa qaraǵanda joǵary boldy. Sóıtip ol 100 myń teńgelik bas júldeni qanjyǵasyna baılady. Ekinshi oryndy jýrnalıst Nurgúl Oqasheva jáne júldeli úshtikti Jumabek Rahymov túıindedi. Bulardyń esepshottaryna 60,80 myń teńgeden júlde tústi.
Karantındik rejimde de aqyndardy shyńdap, zar shaǵynan aıyrmaı jáne indetke tótep berip jatqan jandardyń rýhyn sóz qudyretimen kóterip júrgen Jarqyn Juparhan qatysqandardyń belsendilikterin joǵary baǵalap, olardyń óleńderinde sarýaıymshyldyqqa salynýshylyqqa jol berilmeı, otansúıgishtik rýhtyń zor bolǵanyn atap ótti.
QYZYLJAR