Almaty garnızonynyń áskerı qyzmetshileri Qarýly Kúshterdiń almatylyq ardagerler keńesiniń ókilderimen birge Ekinshi dúnıejúzilik soǵystaǵy Jeńistiń 75 jyldyǵy qarsańynda soǵys ardagerleriniń jaǵdaılaryn bilip, merekemen quttyqtady.
Qazirgi tańda qalada 200-ge jýyq soǵys ardageri men 14 myńnan astam tyl maıdanynyń qatysýshylary turady. Áskerı qyzmetshiler olarmen tyǵyz baılanysta, hal-jaǵdaılaryn bilip otyrady, turmystaryna kómek kórsetedi.
Jeńis kúni qarsańynda áskerı qyzmetshiler quttyqtap qaıtqandardyń qatarynda Almaty jáne Almaty oblysynyń qurmetti azamaty, «Kazahstanskaıa pravda» gazeti atyndaǵy halyqaralyq maıdandyq klýbynyń prezıdenti, gvardııa polkovnıgi Leonıd Gırsh, Qazaq KSR halyq ártisi, Memlekettik syılyqtyń laýreaty Iýrıı Pomeransev, soǵysty basynan ótkerip, keıin qarapaıym sarbazdardyń erlikterin óziniń týyndylarynda beınelegen jazýshy Ábdijámil Nurpeıisov te bar.
Sonymen qatar Nur-Cultanda áskerı qyzmetshiler Uly Otan soǵysyndaǵy Jeńistiń 75 jyldyǵymen ardagerlerdi quttyqtap, turǵyn úılerdiń aýlalarynda konsertter qoıdy.
Ulttyq áskerı-patrıottyq ortalyǵynyń Ortalyq ansambli ártisteri patrıottyq shyǵarmalar men soǵys jyldarynyń ánderin oryndady, qala kóshelerimen avtokólikpen júrip ótip, turǵyn úılerdiń aýlalaryna kirip, merekeniń basty batyrlary – ardagerler men jergilikti turǵyndardy quttyqtady. Kórermender qoıylǵan konsertti jaqsy baǵalap, áskerı ártisterge alǵystaryn bildirdi. Odan basqa Aqmola garnızonynyń áskerı qyzmetshileri úıde otyrǵan ardagerlerdiń jaǵdaıyn surap qaıtty.