Túrkistan oblysy ákiminiń baspasóz qyzmeti evakýasııalanǵan maqtaaraldyqtardyń alǵashqy legi Álisher Ýsmanovtyń qorynan bólingen qor qarajatynyń sertıfıkatyn ala bastaǵanyn habarlady.
Premer-Mınıstr Asqar Mamın oblys ákimi О́mirzaq Shókeevpen birge Túrkistan oblysy Maqtaaral aýdany Myrzakent kentinde aýyl turǵyndarymen kezdesti. Onda evakýasııalanǵan maqtaaraldyqtardyń alǵashqy legi Álisher Ýsmanovtyń qorynan bólingen qor qarajatynyń sertıfıkatyn aldy.
Bul qarajat evakýasııalanǵan 5202 otbasynyń jeke shotyna túsedi. Qazirgi ýaqytta qarajat alatyn barlyq azamattardyń qujattary qabyldanyp jatyr. Qujattar tolyq jınalǵan kezde, ár otbasy ózderine tıesili qarjyny ala alady.
Reseı kásipkeri Álisher Ýsmanov sý tasqynynan zardap shekken Maqtaaral aýdanynyń evakýasııalanǵan turǵyndary úshin «Túrkistan» áleýmettik damý korporatıvtik qoryna 5,2 mln dollar aýdarǵan bolatyn. Bul 2,3 mlrd teńge 30 420 adamnan turatyn 5202 otbasynyń ár qaısyna 422 myń teńgeden (1000 AQSh dollary) úlestiriledi.