Oblystyń bas sanıtarlyq dárigeri Temirbek Musaǵalıevtiń aıtýynsha, 11 mamyrda Atyraý qalasynda karantın rejımi tolyqtaı saqtalady.
Oblys ortalyǵynyń perımetri boıynsha ornalasqan blok-beketter jumys isteýin jalǵastyrady. Buryn qabyldanǵan kirip-shyǵý erejeleri saqtalyp, jumysqa barý ruqsat alǵan kásiporyndarǵa ǵana jiberiledi.
Bas sanıtarlyq dáriger turǵyndardyń densaýlyǵy men qaýipsizdigin qamtamasyz etý maqsatynda karantın erejelerin saqtaýdy jalǵastyrýǵa shaqyrdy. Atyraý qalasyna kirip-shyǵatyn tórt baǵytyna 4 blok-beket qoıylǵan edi.
Sondaı-aq, Atyraý qalalyq ákimdigi qoǵamdyq kólikterdiń qozǵalysy týraly aqparat taratty. Qoǵamdyq kólikter búgin, 11 mamyrdan bastap saǵat 17:00-20:00 aralyǵynda 26 baǵytta jolaýshy tasymaldaıdy.
Al 12 mamyrdan qoǵamdyq kólikter tańǵy saǵat 07:00-den 10:00-ge deıin, keshki saǵat 17:00-den 20:00-ge deıin júredi.
Atyraý oblysy