Álemge áıgili shahmatshylardyń qatysýymen 15-17 mamyr aralyǵynda FIDE-niń onlaın-týrnıri ótedi. Bul jarys áıgili Vılgelm Steınısti eske túsirýge arnalady.
1836 jyly sol kezderi Aýstrııa ımperııasynyń qaramaǵynda bolǵan Praga qalasynda týyp-ósip, keıinnen AQSh-qa qonys aýdarǵan Steınıstiń esimi tuńysh álem chempıony retinde tarıhta qaldy. Bul ataqqa ol 1886 jyly qol jetkizdi. Keıinen de kóptegen dúbirli dodalarda daralandy. 1884 jyly Vılgelm Germanııanyń ókili Emanýel Laskerden utylǵannan soń chempıondyq tájden aıyryldy. Shahmattan bólek, ol jýrnalıstıkamen de, ádebıetpen de, saıasatpen de aınalysty. Ataqty shahmatshy osydan 120 jyl buryn, ıaǵnı 1900 jyldyń jazynda 65 shasqa qaraǵan shaǵynda o dúnıege attandy.
Vılgelm Steınısti eske túsirýge arnalǵan týrnırde bizdiń Jansaıa Ábdimálik te óner kórsetedi. Qazaq qyzy reseılik Ekaterına Lagno men Aleksandra Kostenıýk, qytaılyq Leı Tınsze men Tan Chjonı, bolgarııalyq Antoaneta Stefanova, fransııalyq Marı Sebag, ırandyq Sarasadat Hademalshareh, germanııalyq Elızabet Paets jáne perýlyq Deısı Korımen sheberlik baıqasady. Al erler arasyndaǵy jarysta álem chempıony norvegııalyq Mangýs Karlsen bastaǵan bir top sańlaqtar saıysqa túsedi.