Túrkistan oblysynda 18 myńnan astam orta býyn medısına qyzmetkeri densaýlyq saqtaý salasynda eńbek etýde. Al aýyl halqynyń saýlyǵyn qamtamasyz etýge 10 myń medbıke óz úlesin qosýda.
Bıyl aq halatty abzal jandar úshin qıyndaý jyl bolyp tur. Kásibı merekelerin, ıaǵnı 12 mamyr - halyqaralyq meıirbıkeler kúnin karantın rejıminde atap ótti. Rııasyz qurmetke laıyq jandardy naýqastar quttyqtaýda. Mysaly, Jetisaı aýdandyq ortalyq aýrýhanasynyń medbıkesi Baıansulý Maılybaeva otbasyn kórmegeli bir aıdyń júzi bolǵan. Otyz jyl ómirin medısına salasyna arnaǵan maman ınfeksııalyq gospıtalde táýlik boıy koronavırýske shaldyqqan naýqastarmen birge. «Men úshin bir naýqastyń bolsa da aýrýyn jeńýge úlesim tıse, budan asqan marapat joq»,-deıdi qaýipti indetpen kúres alańynda júrgen abzal jan.
Bul kúni oblystyq qoǵamdyq densaýlyq basqarmasynyń basshysy Marat Pashımov ár meıirbıkege quttyqtaý tilegin jetkizdi. Sondaı-aq 25 jyldan astam jumys ótili bar 120 orta býyn qyzmetkerge Qurmet gramotasy tabys etildi.
Túrkistan oblysy