Shymkent dendrosaıabaǵy – qala turǵyndary men qonaqtarynyń súıikti demalys oryndarynyń biri. Qalaǵa qonaq bolyp, at basyn burǵandardyń deni jasyl jelek jamylǵan dendrosaıabaqqa soqpaı ketpeıdi. Munda bir mezgil boı sergitip, taza aýamen tynystap qaıtatyndardyń qatary kóp.
Búgingi tańda Shymkent dendrologııalyq saıabaǵy Asanbaı Asqarovtyń esimimen atalady. Jańa ataý qala ákiminiń buıryǵymen bekitilgen. Alǵash ret dendrosaıabaqqa qoǵam jáne memleket qaıratkeriniń esimin berý týraly usynys 2016 jyldyń 22 jeltoqsanynda qalalyq máslıhattyń kezekten tys sessııasynda aıtyldy. Sodan keıin depýtattar bul sheshim úshin biraýyzdan daýys berdi.
Tarıh betterin paraqtasaq, Shymkent dendrologııalyq saıabaǵyn qurýdyń tarıhy 1979 jyldan bastaý alady. Bul aýmaq sol jyldary qala mańyndaǵy qoqys tastaıtyn oryn bolǵan desedi. Belgili qoǵam jáne memleket qaıratkeri Asanbaı Asqarovtyń bastamasymen boı kótergen.
Tamasha demalys ornyn kózdiń qarashyǵyndaı saqtaý, olardy búldirmeý – árbirimizdiń azamattyq boryshymyz.