Mádenıet jáne sport mınıstri Aqtoty Raıymqulova Ortalyq kommýnıkasııalar qyzmetinde ótken onlaın brıfıngte E-sport candyq platformasyn engizý qarastyrylǵanyn aıtty.
«Atalǵan platformada birikken sporttyq klassıfıkasııa, sporttyq kúntizbe, sportshylardyń, jattyqtyrýshylar men tóreshilerdiń birikken elektrondyq bazasy syndy sportqa qatysty basty qujattar saqtalady. Biz bul jumysty 2020 jyldyń sońyna deıin «Ulttyq aqparattyq tehnologııalar» AQ birlesip aıaqtaımyz. Bizdiń jasaǵan qujatymyzda sporttyq-buqaralyq sharalar da bar. Mınıstrliktiń uıymdastyrýymen 2019 jyly «Qazaqstan Jastar Fest» jobasy júzege asyrylǵan bolatyn. Bul bastamamyzdy óńirlerimiz belsendi qoldaǵan edi. Josparda atalǵan festıvaldi jyl saıyn turaqty túrde ótkizý oılastyrylǵan. Jasalyp jatqan jumysty halyqqa jetkizý de asa mańyzdy. Sondyqtan búgingi josparymyzdy buqaralyq aqparat quraldary arqyly sportsúıer qaýymǵa jetkizýdi qalaımyz»,- dedi Aqtoty Raıymqulova.
Mınıstrdiń aıtýynsha, 2025 jyly halyqtyń barlyq toby arasynda dene shynyqtyrý jáne sportpen turaqty túrde aınalysatyndardyń sany 7,5 mln adamdy quraıtyn bolady.