Aqmolada etken eki jyl ishinde oblys ortalyǵyndaǵy 5510 áskerı bóliminiń 56 qyzmetkeri «Áskerı baspana» memlekettik turǵyn úı baǵdarlamasy arqyly pátermen qamtamasyz etildi. Bıyl taǵy 48 áskerı maman baspanaly bolmaq.
Shyntýaıtynda tapsyrýǵa tıis qujattar tizimi de anaý aıtqandaı kóp emes eken. Munyń ózi áskerılerdiń ýaqytyn únemdep, júıkelerine úlken salmaq salmaıdy.
–Otbasy músheleriniń jeke kýálikteri men jumystan anyqtamasy bolsa jetip jatyr,–deıdi 5510 áskerı bóliminiń batalon komandıri Azamat Danııarov.
10 jylǵa jýyq páter jaldap júrgen otbasy mundaı múmkindiktiń buıyrǵanyna rızashylyqtaryn bildirýde. Respýblıka boıynsha áskerı qyzmetkerlerge sońǵy eki jylda 6600 nesıe berilgen bolatyn. Bıyl bank tarapynan taǵy 60 mıllıard teńge bólinip otyr. Endi 3300 áskerı maman baspanaǵa ıe bolady.
–Bizdiń oblysqa 48 adamǵa lımıt berilgen. Bank irikteýdi ózi jasaıdy. Iаǵnı ótinim bergen klıentter ishinen kimniń bankte jınaǵy kóp bolsa, sony tańdap alady. Jáne baǵdarlamaǵa mindetti túrde memleketten arnaıy tólemaqy alatyn áskerı qyzmetkerler ǵana qatysa alady,–deıdi «Turǵyn úı qurylys jınaq banki» bólim jetekshisiniń mindetin atqarýshy Dáýlet Juman.
Osylaısha, memleket áskerılerdi nazardan tys qaldyrmaı, múmkindiginshe qoldaý tanytýda.
Aqmola oblysy