SENAT BIýROSYNYŃ OTYRYSY

Keshe Qasym-Jomart Toqaevtyń tóraǵalyq etýimen bolǵan Parlament Senaty bıýrosynyń otyrysynda Parlament Májilisi maquldaǵan zań jobalary palata komıtetteri arasynda bólinip berildi, dep habarlady Senattyń baspasóz qyzmeti. Atap aıtqanda, “Qazaqstan Res­pýblıkasynyń keıbir zańna­ma­lyq aktilerine transferttik baǵa belgileý jáne salyq salý má­seleleri boıynsha ózgerister men tolyqtyrýlar engizý tý­raly” zań jobasyn Qarjy jáne bıýd­jet komıteti zerdeleıtin boldy. “Bıootyn óndirisi jáne aınalymyn memlekettik retteý týraly” jáne “Qazaqstan Res­pýb­­lıkasynyń keıbir zańnama­lyq aktilerine bıootyn óndirisi jáne aınalymyn memlekettik ret­teý máseleleri boıynsha óz­ge­rister men tolyqtyrýlar en­gizý týraly” zań jobalary Ag­rarlyq má­seleler jáne qorsha­ǵan orta­ny qorǵaý komıtetine berildi. Ekonomıkalyq jáne óńirlik saıasat komıtetine “Qazaqstan Respýblıkasynyń Úkimeti men Armenııa Respýblıkasynyń Úki­meti arasyndaǵy Investısııa­lar­dy kótermeleý jáne ózara qorǵaý týraly kelisimdi ratıfıkasııalaý týraly” zań jobasy belgilendi. Bıýro otyrysynda sondaı-aq “Qazaqstan Respýblıkasy Orta­lyq saılaý komıssııasynyń mú­she­si qyzmetine taǵaıyndaý tý­ra­ly” Senat Tóraǵasynyń usy­ny­sy da qaraldy. Otyrysta palatanyń 9 sáýir­de bolatyn kezekti otyrysynyń kún tártibi boıynsha komıtet­ter­diń usynystary da talqylandy. Depýtattardyń qaraýyna “Qazaq­stan Respýblıkasy men Reseı Fe­derasııasy arasyndaǵy “Baı­qo­ńyr” keshenin tıimdi paı­da­la­ný jónindegi yntymaqtastyqty damytý týraly kelisimdi ratı­fı­ka­sııalaý týraly” zań jobasy engizildi. Sondaı-aq basqa da birqatar zań jobalary qaralatyn boldy.