Shahmattan álem chempıony, Norvegııanyń maqtanyshy Magnýs Karlsen osy jyly elıtalyq deńgeıde birneshe onlaın-týrnır ótkizýdi kózdep otyr. Bul jarystardyń jalpy júlde qory 1 mıllıon AQSh dollaryn quraıdy.
«Magnus Carlsen Invitational» dep atalatyn alǵashqy onlaın-týrnır sáýir aıynyń ekinshi jartysynda bastalyp, 3 mamyrda óz máresine jetkeni ózderińizge málim. Bul tartys aıtýly novegııalyq shahmatyshsynyń jeńisimen aıaqtaldy.
Kelesi jarystyń tusaýy 19 mamyrda kesilip, 3 maýsymda aıaqtalady. Aıtýly dodada Magnýs Karlsennen bólek, Lıjen Dın, Hıkarý Nakamýra, Álıreza Fırýja, Aleksandr Grıshýk, Levon Aroıan, Ýeslı So, Iаn-Krıshtof Dýda, Sergeı Karıakın, Veı I, Iýı Iаnı jáne Danıl Dýbov syndy oıynshylar óner kórsetedi. Alǵashqy úsh táýlik aralyǵynda grossmeısterler aınalmaly júıe boıynsha rapıdten 11 partııa ótkizedi. Solardyń arasynan ozyp shyqqan segizi pleı-off saıystarynda baq synaıdy.
Odan keıin «Online Chess Masters» (20 maýsym – 5 shilde), «Legends of Chess» (21 shilde – 5 tamyz) jáne Grand Final (9-20 tamyz) básekeleri uıymdastyrylady.