«Tottenhem» klýbynyń shabýylshysy Garrı Keın Anglııanyń tórtinshi dıvızıonynda óner kórsetip júrgen «Leıton Orıent» klýbyn óz qamqorlyǵyna alyp, sol ujymnyń demeýshisi bolyp tirkeldi.
Ataqty aǵylshyn fýtbolshysynyń bul komandaǵa beker kóńili túsip otyrǵan joq. 26 jastaǵy azamattyń sporttyq karerasy dál sol «Leıton Orıentte» bastalǵan bolatyn. Keıinnen basqa birqatar klýbtardyń jeıdesin kıgen Keın qazirgi kezde «Tottenhemniń» namysyn qorǵaýda. 2015/16 jáne 2016/17 jyldarǵy maýsymdarda ol Anglııa Premer-lıgasynyń eń mergen shabýylshysy ataǵyn jeńip aldy.
Sondaı-aq Garrı Keın Anglııa ulttyq quramasynyń kapıtany. 2018 jyly Reseıde ótken álem chempıonatynda ol eń mergen shabýylshy atanyp, álemniń shartty quramasyna endi. 2019 jyly aıtýly komanda ÝEFA Ulttar lıgasynda qola medaldi ıelendi.