Almatyda ruqsaty ótken qarýdy saqtaýǵa jáne alyp júrýge merzimdi 10 shildege deıin uzartýǵa bolady. Bul týraly Ishki ister mınıstrliginiń baspasóz qyzmeti habarlady.
Ákimshilik polısııa basqarmasynyń habarlaýynsha, QR IIM nusqaýyna sáıkes, tótenshe jaǵdaı kezinde qarýdy saqtaýǵa jáne alyp júrýge ruqsattyń merzimi ótken azamattyq qarý ıeleri QR Ákimshilik quqyq buzýshylyq týraly kodeksiniń 486-babyna sáıkes osy jyldyń 10 shildesine deıin ákimshilik jaýapkershilikke tartylmaıdy.
Joǵaryda kórsetilgen kúnge deıin bul qujatty uzartýǵa bolady. Bul ereje kólik júrgizýshi kýáliginiń merzimi aıaqtalǵan júrgizýshilerge de qatysty. Elektrondyq sıfrlyq qoltańbamen E-gov elektrondyq úkimettiń portaly arqyly qujattardy almastyrýǵa bolady.