Qazaqstannyń Ekologııa, geologııa jəne tabıǵı resýrstar mınıstri Maǵzum Myrzaǵalıev óziniń elimizdiń ońtústik óńirlerine jumys sapary barysynda Túrkistan oblysyndaǵy sý nysandary men arnalardy aralap shyqty.
«Búgin Túrkistan oblysyndaǵy sý nysandarynyń ahýalymen, arnalardy tazalaý jumystarymen tanystym. Sýarmaly jerlerdi úzdiksiz sýmen qamtamasyz etý úshin óńirde uzaqtyǵy 108 shaqyrym arnany mehanıkalyq tazalaý júrgiziledi. Tazalaý jumystary 74%-ke oryndaldy», - dep jazdy M.Myrzaǵalıev óziniń Twitter-degi paraqshasynda.
Mınıstrdiń aıtýynsha, óńirdegi sý basýdyń saldarynan arnalardy tazalaý keıinge qaldyryldy. Barlyq buryn jumyldyrylǵan tehnıka tótenshe jaǵdaı saldaryn joıýǵa jiberildi. «Osyǵan qaramastan belgilengen jumystardy merziminde aıaqtaýǵa tyrysamyz», - dedi vedomstvo basshysy.
Mınıstr sondaı-aq qazirgi ýaqytta plotınany jóndeý jəne jer silkinisine tózimdiligin arttyrý úshin qurylys-montaj jumysy júrgizilip jatqan Shardara sý qoımasyna bardy. M.Myrzaǵalıevtiń aıtýynsha, jobada 125 adam jumys isteýde. Ony kelesi jyly aıaqtaý josparlanyp otyr.