Sońǵy táýlik ishinde Almaty oblysynda koronavırýs ınfeksııasyn juqtyrǵandar sany 10 adamǵa kóbeıdi. Osy sáttegi derek boıynsha jalpy naýqas sany – 201. Sońǵy málimetke sáıkes Taldyqorǵan qalasynda 6 adamnan, Kegen aýdanynda 2 adamnan jáne Talǵar aýdanynda 2 adamnan tirkelgen.
- Barlyq 10 adam belsendi túrde anyqtaldy. Olardyń segizi buǵan deıin koronavırýs ınfeksııasyn juqtyrǵan adamdarmen qarym-qatynasta bolǵan, al ekeýinen medısınalyq mekemege júgingen kezde indet belgisi anyqtaldy. Vırýsty juqtyrǵandyń altaýy Taldyqorǵan qalasynyń, ekeýi Kegen aýdanynyń jáne ekeýi Talǵar aýdanynyń turǵyndary. PTR-taldaý nátıjeleri boıynsha bul azamattarǵa COVID-19 dıagnozy qoıyldy. Aýyrǵan adamdar aldyn ala oqshaýlanǵan, qazirgi ýaqytta juqpaly aýrýlar bólimine aýystyryldy. Olarmen qarym-qatynasta bolǵan adamdar anyqtalyp oqshaýlanady jáne koronavırýsqa zerthanalyq tekseristen ótedi, - dep habarlady Almaty oblys ákiminń baspasóz qyzmeti.