Bul toptamada álemniń 188 elinde taraǵan COVID-19 vırýsyna qatysty sońǵy jańalyqtardy jarııalap otyramyz.
14 mamyrda Johns Hopkins University (JHU) usynǵan málimet boıynsha vırýs juqtyrǵandar sany - 4 713 769, ólim sany - 315 187, aıyqqandar sany - 1 733 963 adam boldy (jańartylǵan ýaqyty 10:18).
16:12
Italııada barlar men shashtarazdar qaıta ashyla bastady
Eýropanyń birqatar eli karantın sharalaryn jeńildete bastady. Búginnen bastap Italııada barlar men shashtarazdar qaıta ashyla bastady.
Ulybrıtanııa, Ispanııa men Italııa koronavırýstan ólim sany boıynsha demalys kúnderi naýryz aıynan bergi eń tómen kórsetkishti tirkeldi.
Ispanııada Madrıd pen Barselona qalalarynyń turǵyndarynan basqalary on adamdyq toptarmen kezdesýge ruqsat aldy.
Belgııa barlyq sanıtarlyq erejelerdi saqtaı otyryp mektepterdi qaıta ashý týraly sheshim qabyldady.
Portýgalııa, Grekııa, Danııa jáne Irlandııa elderi de qatań sharalardy báseńdetip jatyr.
10:44
Úndistan karantındi taǵy 2 aptaǵa uzartty
Eki aıǵa sozylǵan karantın Úndistanda taǵy 2 aptaǵa uzartyldy. Eldiń Mýmbaı, Nıý-Delı, Chennaı jáne basqa da aımaqtarynda vırýs juqtyrǵandar sany azaımaı tur.
Úndistandyq BAQ mamyr aıynyń sońyna deıin áýe reısteri, temir jol tasymaly men metro jabyq bolatynyn aıtty. Mektepter, qonaq úıler, meıramhanalar, barlar, saýda ortalyqtary, kınoteatrlar men ǵıbadat etý oryndary da jabyq bolady.
9:55
Dúnıejúzinde 4 713 769 adam koronavırýs juqtyrdy.
315 187 adam qaıtys boldy.
1 733 963 naýqas qulan-taza aıyqty.
AQSh-ta 1 486 757 jaǵdaı tirkeldi, 272 265 adam saýyǵyp shyqty, 89 562 adam qaıtys boldy.
Reseıde 281 752 jaǵdaı tirkeldi, 67 373 adam saýyǵyp shyqty, 2 631 adam qaıtys boldy.
Ulybrıtanııada 244 995 jaǵdaı tirkeldi, 1 058 adam saýyǵyp shyqty, 34 716 adam qaıtys boldy.
Brazılııada 241 080 jaǵdaı tirkeldi, 94 122 adam saýyǵyp shyqty, 16 118 adam qaıtys boldy.
Ispanııada 230 698 jaǵdaı tirkeldi, 146 446 adam saýyǵyp shyqty, 27 563 adam qaıtys boldy.
Italııada 225 435 jaǵdaı tirkeldi, 125 176 adam saýyǵyp shyqty, 31 908 adam qaıtys boldy.