«Respýblıkalyq protezdik-ortopedııalyq ortalyq» AQ múgedekterdi jáne tirek-qımyl apparaty patologııasy bar tulǵalardy medısınalyq-áleýmettik ońaltý kómekterimen jáne ótemdik quraldarmen birge úılesimde qamtamasyz etetin mamandandyrylǵan kóp beıindi kásiporny.
Ortalyq saladaǵy jetekshi kásiporyndardyń biri ári elimizdiń barlyq óńirlerine qyzmet kórsetedi. Kásiporyn jylyna 30 000-nan astam buıym shyǵarsa, onyń ishinde 60-tan astam aıaq-qol protezderiniń modıfıkasııalary, barlyq maýsymǵa arnalǵan 112 ortopedııalyq aıaq kıimniń modıfıkasııalary jáne taǵy basqa ónimder bar. Jalpy RPOO protezdeý buıymdarynyń jalpy kóleminiń 74%-ǵa jýyǵyn jáne Qazaqstanda óndiriletin mamandandyrylǵan ortopedııalyq aıaq kıimniń, ortopedııalyq ultaraqtyń 91%-yn shyǵarady. Búginde 230 adam jumys isteıtin kásiporynda joǵary bilikti ortoped-dárigerler, mehanık-protezshiler, ınjener-tehnologtar, protezdik-ortopedııalyq salada úlken tájirıbesi bar jumysshylar jáne basqa da mamandar. Ortalyq qyzmetkerleriniń arasynda múmkindigi shekteýli adamdar, al olardyń ishinde kezinde ortalyqtyń pasıentteri bolǵan jandar da tabysty eńbek etip keledi.
«Respýblıkalyq protezdik-ortopedııalyq ortalyq» karantınnen keıin óziniń óndiristik sehtary men ońaltý ortalyqtarynyń jumysyn qaıta bastady. Elimizde osy beıindegi iri kásiporyn shyǵaratyn jeke ótemdik buıymdar men ortopedııalyq aıaq kıim eldiń barlyq aımaqtaryndaǵy pasıentter úshin ómirlik qajettilik bolyp tabylady.
«Bizdiń kásiporynnyń óndiristik sehtarynyń qyzmeti tótenshe jaǵdaı kezinde toqtatyldy, biraq biz pasıentterimizben jumysty toqtatpadyq. Pasıentterimizge qoldaý kórsetý, protezdeý jáne ortopedııalyq aıaq kıim jasaý týraly kóptegen suraqtarǵa jaýap berý maqsatynda telefondyq «shuǵyl jeli» uıymdastyryldy. Telefon arqyly bizdiń ortalyqtyń eki eń eńbegi sińgen jáne kásibı dárigerleri – 40 jyldyq eńbek ótili bar protezshi Evgenııa Popkova men ortoped Qalqa Jumanova keńes berdi. Sondaı-aq, qyzmetkerlerdiń joǵary biliktiligi men óndiriske jańa tehnologııalardy engizý bizdiń ortalyqqa tıimdi jumys isteýge múmkindik beredi. Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 22 qańtardaǵy № 26 buıryǵyna sáıkes, biz protezdik-ortopedııalyq buıymdardy óndirýge tapsyrys túsken sátten bastap 45 jumys kúni ishinde daıyndaýymyz kerek, al qazir bizdiń mamandar muny ortasha eseppen 17 kúnde jasaıdy. О́ndiris kólemi men merzimderi boıynsha bizdiń kásiporynda eshqandaı artta qalýshylyq bolmaıtynyna senimdimiz. Koronavırýsqa qaramastan, ortalyq pasıenttriniń eshqaısysy ózderiniń ótemdik buıymdary men ortopedııalyq aıaq kıimderinsiz, sondaı-aq kásibı keńessiz qalmaıdy», - dep atap ótti «Respýblıkalyq protezdik-ortopedııalyq ortalyq» AQ prezıdenti Nıkolaı Petrov.
Bir aı ishinde RPOO 800 jup ortopedııalyq aıaq kıim óndirip, elimizdiń áleýmettik ortalyqtarynan buryn alynǵan tapsyrystarǵa sáıkes, 14 jeke protezdi jasaýdy josparlap otyr. Sondaı-aq, RPOO osy jyly 15 500-ge jýyq pasıentke qyzmet kórsetedi dep kútilýde.