Gaýhardyń jas bolsa da ómirden túıgen bir qaǵıdasy bar. Ol – alǵa talpyný, eńbek etý. Ol muny aýylda bala kezinen jumys istep óskendigi bolar dep túıedi. Mektepti bitirgen soń, Astanada turatyn aǵalaryna bardy. Sonda Qaraǵandy ekonomıkalyq ýnıversıteti fılıalynyń býhgalter jáne aýdıt fakýltetine oqýǵa tústi. Dıplomyn alǵan soń jumystyń retine qaraı Almaty, Qostanaı qalalarynda turdy. Biraq aýyldan ketse de, Gaýhar ata-anasyn, týǵan úıin jıi oılaı beretin. О́ziniń aldyndaǵy, keıingi baýyrlary mektepti bitirgen soń oqýǵa ketti, odan árqaısysy óz aldyna úıli-barandy boldy. Solardyń arasynda ata-anasyna kóbirek qolqabysyn tıgizgen de ózi eken. Sondyqtan bolar, olarǵa tym baýyr basqan. Syrtta júrse de esinen bir shyqpaıdy. 2010 jyly óziniń súıikti ákesi Ádilbekten kóz jazyp qaldy. Bul qaıǵy anasyna da, ózine de aýyr tıdi. Astanada istep júrgen jumysyn tastap, sonaý shalǵaıda jatqan Qamystysyna qaıtyp keldi, anasynyń qasynda boldy. Úıde qarap otyra berýge Gaýhardyń dáti shydamady. Tiri adam tirshiligin jasaýy kerek eken. Anasynyń zeınetaqysyna qaraýdyń ózi uıat-aý... Eńbeksiz qarap otyrý – Gaýhardyń boıyna syıyspaıtyn minez. Biraq oǵan alaqandaı aýdan ortalyǵynda býhgalterlik jumysty kim bere qoıady? Osylaı ári-sári júrgen kezde «Jumyspen qamtýdyń jol kartasy-2020» baǵdarlamasy týraly estidi. Aspazdyq mamandyqty ıgerýge jazyldy.
Gaýhardyń jas bolsa da ómirden túıgen bir qaǵıdasy bar. Ol – alǵa talpyný, eńbek etý. Ol muny aýylda bala kezinen jumys istep óskendigi bolar dep túıedi. Mektepti bitirgen soń, Astanada turatyn aǵalaryna bardy. Sonda Qaraǵandy ekonomıkalyq ýnıversıteti fılıalynyń býhgalter jáne aýdıt fakýltetine oqýǵa tústi. Dıplomyn alǵan soń jumystyń retine qaraı Almaty, Qostanaı qalalarynda turdy. Biraq aýyldan ketse de, Gaýhar ata-anasyn, týǵan úıin jıi oılaı beretin. О́ziniń aldyndaǵy, keıingi baýyrlary mektepti bitirgen soń oqýǵa ketti, odan árqaısysy óz aldyna úıli-barandy boldy. Solardyń arasynda ata-anasyna kóbirek qolqabysyn tıgizgen de ózi eken. Sondyqtan bolar, olarǵa tym baýyr basqan. Syrtta júrse de esinen bir shyqpaıdy. 2010 jyly óziniń súıikti ákesi Ádilbekten kóz jazyp qaldy. Bul qaıǵy anasyna da, ózine de aýyr tıdi. Astanada istep júrgen jumysyn tastap, sonaý shalǵaıda jatqan Qamystysyna qaıtyp keldi, anasynyń qasynda boldy. Úıde qarap otyra berýge Gaýhardyń dáti shydamady. Tiri adam tirshiligin jasaýy kerek eken. Anasynyń zeınetaqysyna qaraýdyń ózi uıat-aý... Eńbeksiz qarap otyrý – Gaýhardyń boıyna syıyspaıtyn minez. Biraq oǵan alaqandaı aýdan ortalyǵynda býhgalterlik jumysty kim bere qoıady? Osylaı ári-sári júrgen kezde «Jumyspen qamtýdyń jol kartasy-2020» baǵdarlamasy týraly estidi. Aspazdyq mamandyqty ıgerýge jazyldy.
– Qostanaıdaǵy Indýstrııalyq-pedagogıkalyq kolledjde úsh aı aspazdyqqa oqyp keldim. Baǵdarlama sheńberinde jolaqym, turǵan ornym tegin, onyń ústine stıpendııasyn aıtpaısyz ba? Áıel adamǵa ashana syryn jaqsy bilý eń birinshi paryz. Men osyny oıladym, onyń ústine aspazdyq óner mamandyǵyma aınalsa, ol arqyly nápaqamdy tapsam ǵanıbet emes pe? Mundaı múmkindikti kim jasar edi maǵan? – dep aǵynan jaryldy Gaýhar.
Ol úsh aılyq kýrstan kóp nárse úırendi. Qamyrdyń túr-túrin ashytatyn boldy. Nanǵa, tátti toqashqa, baýyrsaqqa, bálishke ashytylatyn qamyrdyń árqaısysy ártúrli tásilmen daıyndalady. Al úıde bolsa osynyń arajigi onshalyqty ajyratylyp jatpasy anyq. Gaýhar aspazdyqtyń óner ekenin túsinip qaıtty. Jyldyń qaı mezgilinde bolsyn salma-sý pisirmeıtin úı kem de kem. Oǵan salatyn qamyrdy ár áıel ártúrli etip tiledi. О́ziniń úıinde de bul taǵam túri jıi pisiriletin. Qandaı tamaqtyń da dámdiligimen qatar, dastarqanǵa qoıǵandaǵy syrtqy kórkinde de kóp mán bar. Ol adamnyń tábetin ashyp turýy kerek. Etti de sortqa bólip, onyń pisirý, qaınatý, qýyrý syrlaryn meńgerip aldy. Jas qyz osynyń barlyǵy da búgin ózine jumys, erteńgi búkil ómirine azyq ekenin jaqsy sezinedi. Qolyna aspaz mamandyǵynyń kýáligin alyp shyqty.
Gaýhar Turdyǵalıeva kýrsty bitirgen soń bir aıdyń ishinde, ıaǵnı shilde aıynyń aıaǵynda Qamysty aýdanyndaǵy «Qaırat» JShS-ge aspaz bolyp ornalasty. Mundaǵy áriptesterimen birge jumysshylarǵa tústik, keshtik tamaq daıyndaıdy. Kýrsta úırengen aspazdyq ónerin salǵannan keıin, ol da ıyndaǵan tamaqtyń qaısysy bolsa da til úıiredi. Jumystan sharshap kelip, dastarqanǵa otyrǵan jumysshylar aspazdarǵa rahmetin aıtyp jatady.
– Kópshilik jastar jumyssyz bos júredi. Jumys tabylmaıdy emes, olar barmaıdy. Talpynǵan janǵa árqashan da jumys bar. Eger men joǵary bilimim bar, býhgalter bolýym kerek dep úıde otyra bergenimde, osy kúnge deıin jumyssyzdar qatarynda bolar edim. Baǵdarlamanyń arqasynda men az ǵana ýaqyttyń ishinde jańa mamandyq ıgerip aldym. Kim utty? Men uttym, árıne! Múmkindikti paıdalaný kerek,–deıdi Gaýhar qýanyshpen.
Gaýhardyń oıynsha jastar qazirgi ýaqytta qolynan kelgenshe, ýaqytynyń jetkeninshe mamandyqtardy ıgerý kerek. Qazaq «qoly qımyldaǵannyń – aýzy qımyldaıdy» demeı me? О́ıtkeni, bul naryq kezi. О́zi ári býhgalter, ári aspaz. Oǵan jumys tabý múmkindigi ulǵaıdy. Endi ol massajıst, úzýshi mamandyǵyn da ıgerip alýdy oılap júr eken.
Adamdarmen tez aralasyp ketetin, minezi ashyq qyz ashana meńgerýshisine jaz aılarynda kókónisti kóbirek paıdalanýdy usyndy. Qandaı tamaq pisirilse de Gaýhar ony kók pııaz, askók, aqjelek sııaqty astyń dámin keltiretin as shóptermen bezendirip jatqany. Jumysshylar ashanasynyń kórki de, dámi de meıramhanalar dastarqanynan kem soqpaıdy. Aspazdar Gaýhardyń elgezektigimen qatar, aspazdyq mamandyqqa degen yntasyna súısinedi. Adamdy alǵa súıreıtin ynta ekenin jasy odan áldeqaıda úlken aspaz aýyldastary endi túsingendeı súısine qarap qalǵanyn baıqaı bermeıdi.
Názıra JÁRIMBETOVA,
«Egemen Qazaqstan».
Qostanaı oblysy,
Qamysty aýdany.