Qazaqstan Respýblıkasynyń Syrtqy ister mınıstrligi Qyrǵyz Respýblıkasynyń azamattaryna tranzıtti qamtamasyz etý máseleleri boıynsha kelesini habarlaıdy. Bul týraly Syrtqy ister mınıstrliginiń baspasóz qyzmeti habarlady.
Ústimizdegi jylǵy 17 mamyrda Qyrǵyz Respýblıkasynyń Elshiligi Qazaqstan Respýblıkasy Syrtqy ister mınıstrligine Qyrǵyz Respýblıkasynyń azamattaryn Reseı Federasııasynan áketý úshin Qazaqstan Respýblıkasynyń aýmaǵy arqyly tranzıttik dálizdi qamtamasyz etý jónindegi notany joldady. Ústimizdegi jylǵy 18 mamyrda Úkimet janyndaǵy koronavırýstyń taralýyna jol bermeý máseleleri jónindegi vedomstvoaralyq komıssııanyń otyrysynda Reseı Federasııasynyń Orynbor oblysyndaǵy Qyrǵyz Respýblıkasynyń azamattary úshin Qazaqstan Respýblıkasynyń aýmaǵy boıynsha jolaýshylar kóligin qamtamasyz etý shartymen baılanyssyz tranzıttik dálizin berý týraly oń sheshim qabyldandy. Qazirgi ýaqytta qyrǵyz tarapy kólikti qamtamasyz etý máselelerin pysyqtaýda.
Syrtqy ister mınıstrligi qyrǵyz tarapyna jan-jaqty qoldaý kórsetedi.