Nursultan Nazarbaev tanymal telejúrgizýshi Beısen Quranbektiń mezgilsiz ómirden ótýine baılanysty aýyr qaıǵyǵa ortaqtasyp, otbasy men jaqyndaryna kóńil aıtty. Bul týraly Elbasynyń baspasóz qyzmeti habarlady.
«Ol sanaly ǵumyryn otandyq televızııanyń damýyna arnady. О́z isiniń kásipqoı mamany retinde ulttyq aqparat salasynyń damýyna eleýli úles qosyp, týǵan eline adal qyzmet etýdiń jarqyn úlgisine aınaldy. Talaı tyń áleýmettik baǵdarlamalardyń dúnıege kelýine septigin tıgizdi.
Onyń ónegeli ómiri men jarqyn beınesi jurtshylyq jadynda árdaıym saqtalady dep senemin», - delingen jedelhatta.