Joǵary tehnıkalyq kolledji «Qazprısep» kompanııasymen birlesip ortaq jobany qolǵa aldy. Qos tarap jeńil kólikke arnalǵan shaǵyn júk tasý tirkemeleriniń óndirisin jolǵa qoıǵan. Mundaı tehnıka sharýashylyq nysandarynda jáne aýyl turǵyndary arasynda úlken suranysqa ıe.
«Qazprısep» kompanııasy oqý ornyna shaǵyn tehnıkany qurastyrýǵa qajetti barlyq bólshekterdi usynady. Tirkemeniń júkti ózdiginen túsirý fýnksııasy bar. Mundaı tehnıka shaǵyn bıznes ıeleri men agrarııler úshin tartymdy. Aldaǵy ýaqytta tirkemelerdi tapsyrys boıynsha qurastyrý josparlanyp otyr.
–Oqý ornynyń sońǵy kýrs stýdentteri óndiristik bilim berý sheberlerimen birlesip uzyndyǵy eki jáne eki jarym metrlik tirkemeler qurastyrýda. Osylaısha, kolledj tálimgerleri tehnıka qurastyrý isinde óndiristik tájirıbe jınaqtap otyr,–deıdi joǵary tehnıkalyq kolledji dırektorynyń orynbasary Nartaı Ybyraev.
Daıyn ónimdi saýdalaýmen «Qazprısep» kompanııasynyń ózi aınalysýda.
–Maǵan osynda bilim alǵan unaıdy. Munda bilikti ustazdar men sheberler tálim beredi. Men metall dánekerleýdi, konstrýksııany durys qurastyrýdy úırendim. Syzba boıynsha jumys isteýdi buǵan deıin de ıgergen bolatynmyn, deıdi joǵary tehnıkalyq kolledjiniń stýdenti Igor Panov.
Tirkeme 570 kılogramm salmaqty kóteredi. Aldaǵy ýaqytta kolledjdiń tigin sehynda tirkemelerge arnalǵan jabynyn tigý josparlanyp otyr.