Búgin Prezıdent Ákimshiliginiń kelisimi boıynsha, Soltústik Qazaqstan oblysynyń ákimi Qumar Aqsaqalovtyń ókimimen Ǵanı Nyǵymetov ákimniń áleýmettik máseleler jónindegi orynbasary bolyp taǵaıyndaldy. Ol buǵan deıin Prezıdent Ákimshiliginiń Ishki saıasat bóliminiń meńgerýshisi qyzmetin atqarǵan.
Ǵanı Saqtaǵanuly 1983 jyly týǵan, L.N.Gýmılev atyndaǵy Eýrazııa Ulttyq ýnıversıtetin bitirgen. AQSh-tyń Halyqaralyq zertteýler jónindegi Montereı ınstıtýtynyń memlekettik basqarý magıstratýrasyn jáne Nazarbaev ýnıversıtetiniń Joǵary bıznes mektebin bitirgen. Garvard ýnıversıtetinde, Sıngapýrdyń ulttyq ýnıversıtetinde bilim kóterý kýrstarynan ótken.
Ǵanı Saqtaǵanuly eńbek jolyn BUU Damý Baǵdarlamasynyń Nıý-Iorktegi shtab-páterinde taǵlymdamashy bolyp bastaǵan. Al 2007-2009 jyldary «Úkimet pen Ulttyq Banktyń janyndaǵy Ulttyq saraptaý ortalyǵy» AQ joba menedjeri qyzmetin atqarǵan. Odan ári, 2013 jylǵa deıin Nazarbaev ýnıversıtetinde birqatar basshy qyzmetterde bolǵan.
2013-2016 jyldary ol Bilim jáne ǵylym mınıstrliginde «Halyqaralyq baǵdarlamalar ortalyǵy» AQ prezıdenti bolady. Osy qyzmetten «Strategııalyq bastamalar ortalyǵy» JShS atqarýshy dırektor bolyp aýysady. 2018 jyldan ol Prezıdent Ákimshiligiń ishki saıasat bóliminde áýeli meńgerýshiń orynbasary, sosyn meńgerýshi bolyp taǵaıyndalǵan.
Bilimi men tájirıbesine qarasaq min joq, onyń ústine ulttyq sanany jańǵyrtýǵa degen talaby da joǵary eken, ana tilinde jaqsy sóıleıtin kórinedi degen sózder soltústikqazaqstandyqtardy qýantyp otyr.
Al ákimniń burynǵy orynbasary Rýslan Álishev Prezıdenttiń janyndaǵy Ortalyq kommýnıkasııalar qyzmetin basqarýǵa aýysty.
QYZYLJAR