Abaı atyndaǵy QazUPÝ-dyń 2025 jylǵa arnalǵan Strategııalyq damý josparyna sáıkes basqarýdyń jańa úlgisine kóshý jobasyna baılanysty Pedagogıka jáne psıhologııa ınstıtýtynyń kóldeneń sıkldyq uıymdyq qurylymy múshelerimen birge «Joǵary oqý oryndary men mekteptiń bilim berý baǵdarlamalarynyń jańashyl mazmuny men ádisteri» taqyrybynda onlaın-vebınar ótkizdi.
Ýnıversıtettiń baspasóz qyzmetiniń málimeti boıynsha, jalpy bilim beretin mektepten bastap joǵary oqý oryndaryndaǵy bilim berý baǵdarlamalarynyń ereksheligin taldaý jáne onyń nátıjesine sáıkes quzyretti maman daıarlaýdyń alǵysharttaryn anyqtaý maqsatynda ótken vebınarda mektepterdiń baǵdarlamalary men ádistemesi jaıynda sóz boldy.
Vebınarǵa Pedagogıka jáne psıhologııa ınstıtýtynyń dırektory Berikjan Álmuhambetov, Kásibı menedjer, menedjment boıynsha zertteýshi jáne bıznes keńesshi Ozat Baıserkeev, Strategııany júzege asyrý jáne monıtorıng bóliminiń bastyǵy Elvıra Táttibaeva, Bilim berý baǵdarlamalaryn jobalaý departamentiniń dırektory Adılıa Baıdıldına jáne ınstıtýttyń jaýapty ókilderi Keńesiniń músheleri qatysty.
Vebınar barysynda Ozat Baıserkeev kelesi suraqtarǵa jaýap berdi: «Qazaqstan Respýblıkasyndaǵy mektepterdiń baǵdarlamalary men ádistemesi qandaı bolý qajet?» - A. Jumabaeva, Á. Rysqulbekova, «Baǵdarlama men ádistemege sáıkes pedagog qandaı bolýy qajet?» - K.Jampeısova, A. Satova, « QazUPÝ-da kásibı áleýeti joǵary muǵalimdi daıyndaý úshin bilim berý baǵdarlamalary qandaı bolýy qajet?» - A. Kosherbaeva, U.Kyıakbaeva, «Jobany iske asyrý úshin eksperımenttik (ǵylymı-ádistemelik) baza (mektep-seriktes) qandaı bolýy tıis?» - A.Aqjolova, A. Aýtaeva.
Qorytyndy jasaı otyryp, spıkerler men qatysýshylar ózekti máselelerge qatysty pikir almasty.