Kommýnaldyq qyzmet túrleriniń tarıfteri tótenshe jaǵdaı kezinde 10 prosentke tómendetildi. Halyqqa qamqorlyq jasaýdy Memleket basshysy Qasym-Jomart Toqaev tapsyrǵan bolatyn.
Tótenshe jaǵdaı kezinde Kókshetaý qalasy boıynsha tarıfter aıtarlyqtaı tómendetildi. Sáıkesinshe, turǵyndardyń kommýnaldyq qyzmet túrlerine qaryzy bolsa, ajyratýǵa tyıym salyndy. Aıta ketý kerek, bul jeńildik aıasynda kásipkerlik sýbektileriniń múddeleri qorǵalǵan joq. Tek bıýdjettik uıym ókilderine ǵana jasalǵan ýaqytsha shara. Osyndaı sharalardyń arqasynda qazaqstandyqtar bir aı ishinde kommýnaldyq qyzmetterdi tóleý kezinde shamamen 950 mıllıon teńgeni únemdedi deıdi mamandar. Máselen, jylýmen jabdyqtaý qyzmetteriniń tarıfi 1907,05 teńgeden 1716,35 teńgege deıin tómendegen.
–Sondaı-aq jaýapty mekemelerge tótenshe jaǵdaı kezinde tutynýshylardy qaryzdary úshin kommýnaldyq qyzmetten ajyratpaý týraly hat ta jiberildi. Bul turǵyndarǵa sáýir aıynda 72,1 mln teńge únemdeýge múmkindik berdi. Tabıǵı monopolııalardy retteý komıteti tóraǵasynyń tapsyrmasy boıynsha tabıǵı monopolııa sýbektilerine 2020 jyldyń 1-inshi mamyryna deıin tapsyrylatyn esepteriniń merzimi bir aıǵa shegerildi. Sondaı-aq, tótenshe jaǵdaı kezinde zardap shekkken ıaǵnı, qaryzdanyp qalǵan kásipkerlerdiń máselesin jergilikti kásipkerler palatasymen birlese otyryp jeke qarastyratyn bolamyz, deıdi oblystyq tabıǵı monopolııalardy retteý jáne básekelestikti qorǵaý departamentiniń jetekshisi Nurlan Jalǵaspaev.
Qala halqy da qamqorlyqqa dán razy.