Jyl saıynǵy ózekti máseleniń biri – jazǵy shomylý maýsymy kezinde sý aıdyndarynda qaıǵyly jaǵdaılardyń oryn alýy. Munyń sebebi – sýda qaýipsizdik erejelerin saqtamaı, belgilenbegen jerlerde shomylý. О́kinishke qaraı, bıylǵy jyldyń ózinde óńirde 8 ólim oqıǵasy tirkelgen, olardyń ishinde 2 men 8 jas aralyǵyndaǵy 6 bala bar. Bul týraly О́ńirlik kommýnıkasııalar qyzmetinde ótken brıfıngte Túrkistan oblysy TJD-ń aǵa ofıseri Oraz Aıtqulov málimdedi.
Onyń aıtýynsha, balalardyń sý aıdyndarynda qaıtys bolýynyń basty sebebi – olardy eresekterdiń qaraýsyz qaldyrýy. Alaıda ótken jyldyń esepti kezeńimen salystyrǵanda kórsetkish 30% tómendegen.
«О́tken jyly 46 oqıǵa tirkelip, nátıjesinde 48 adam qaıtys boldy, olardyń 18-i balalar. Taldaý kórsetkendeı, barlyq jazataıym oqıǵalar qutqarýshylarmen kúzetilmeıtin jerlerde oryn alyp otyr. Oblysymyzda resmı túrde tirkelgen 110 demalys orny bar. Ol jerlerde qutqarýshylar qarastyrylǵan. Sonymen qatar, sý aıdyndarynda oblys turǵyndarynyń qaýipsizdigin qamtamasyz etý úshin sýda júzýge tyıym salynǵan 268 belgi, 49 qaýipsizdik erejeleri kórsetilgen jarnamalyq bılbordtar ornatyldy. 12 demalys aımaǵynyń ıeleri memorandýmǵa qol qoıdy», – dedi Oraz Sheralyuly.
Sondaı-aq ol brıfıngte óńirde jyl saıyn bıik úılerdiń terezelerinen qulap túsken balalar sany óskendigin aıtty.
«Jyl saıyn kópqabatty úılerdiń terezesinen qulaǵan balalardyń qaza bolý jaǵdaılary tirkeledi. Ádette, kóbine eresekter tarapynan balalarǵa degen baqylaýdyń jetkiliksizdiginen bolady. Sondaı-aq,terezeni jabýdy umytý, terezelerde blokıratorlardyń ne tutqalarynyń bolmaýy, balalarǵa óz betinshe terezelerge shyǵýǵa múmkindik beretin jıhazdyń durys ornalaspaýy, jabyq terezeniń ıllıýzııasyn jasaıtyn masa torlarynyń bolýy sebep. Máselen, Túrkistan oblysynda ótken jyly 3 oqıǵa tirkelgen.Ol kezde 8 jáne 4 jasar balalardyń terezeden qulaýy saldarynan jaraqat alýy oryn alǵan. Al 1 jasar bala oqıǵa ornynda mert boldy. Terezeden qulaýdy boldyrmaý úshin ata-analar tarapynan ózderiniń jas balalaryna baqylaýdy kúsheıtý qajet», – dedi ol.