Bahadyr Narymbetov: Atqarylǵan jumystyń aýqymy keń

Tótenshe jaǵdaı rejimin qam­tamasyz etý jónindegi mem­lekettik komıssııanyń qorytyndy otyrysynda Prezıdent Qasym-Jomart Toqaev aldaǵy ýaqytta elimizde qandaı ister atqarylatynyn ret-retimen baıandaǵan. Jaýapty tulǵalarǵa tapsyrmalar júkteldi. Rasynda, tótenshe jaǵdaı rejimi aıaq­talǵanymen, karantınniń jal­­ǵas­qany óte oryndy boldy. О́ıt­keni indettiń qaýpi áli de bar.

Tótenshe jaǵdaı rejimin qam­ta­masyz etý jónindegi memle­kettik komıssııa aýqymdy jumys atqardy. Al Prezıdenttiń sheshi­mimen qoljetimdi nesıe berý, kók­temgi egis naýqanyn júrgizý, jumys oryndaryn ashý jáne saq­taý úshin aıtarlyqtaı qarajat bó­lindi. Munyń barlyǵy da el ıgili úshin istelip jatqan sharýalar. Sarapshylar jahan ekonomıkasy sońǵy júz jyl ishinde bolmaǵan deńgeıge túsetinin boljap otyr. Osyndaı jaǵdaıǵa qaramastan, elimiz birqatar basymdyqqa ıe bolyp otyrǵanyn aıtqym keledi.

Prezıdent óz málimdemesinde búgingi kúnge deıin Qazaqstan boıynsha 4 mıllıon 250 myń azamatqa qarjylaı kómek, 570 myńnan astam adamǵa azyq-túlik berilgenin aıtty. Jumystary toqtap, úılerinde otyrýǵa májbúr bolǵandardyń árqaısysyna 42 500 teńgeden berilýi halyqty qýantyp, senimderin nyǵaıtyp tastaǵany belgili.

Memleket basshysy óz málim­demesinde sáýir-mamyr aılarynda 1,6 mıllıonnan astam adam­ǵa kommýnaldyq tólem kómegi kór­setilgenin aıtty. Sonymen birge shaǵyn jáne orta bızneske de qoldaý kórsetý jalǵasa beretini Pre­zıdenttiń osy málimdemesinde anyq aıtyldy. Mysaly, bıznes ókil­derine nesıelerin keıin tóleý múmkindiginiń jasalýy da ekono­mıkanyń negizgi bir býynynyń álsiremeı, nyǵaıa túsýine oń áser eteri de anyq.

Elimizdiń indet órship turǵan óńirlerinde karantın jalǵasady. Sondyqtan eldegi koronavırýs qaýpi seıilmeı birqatar shekteýler kúshinde qala bermek. Qaýipsizdik erejelerin saqtap, adam kóp shoǵyrlanǵan oryndarda muqııat bolaıyq.

Bahadyr NARYMBETOV,

Nur Otan partııasy Shymkent qalasy fılıaly tóraǵasynyń birinshi orynbasary