Elimizdiń Bas prokýrory Ashat Daýylbaev Qyrǵyzstannyń Bishkek qalasynda ótken Shanhaı yntymaqtastyq uıymyna (ShYU) múshe memleketterdiń bas prokýrorlarynyń 11-shi otyrysyna qatysty.
Elimizdiń Bas prokýrory Ashat Daýylbaev Qyrǵyzstannyń Bishkek qalasynda ótken Shanhaı yntymaqtastyq uıymyna (ShYU) múshe memleketterdiń bas prokýrorlarynyń 11-shi otyrysyna qatysty.
Forým jumysyna Qazaqstan, Qytaı, Qyrǵyz, Reseı, Tájikstan jáne О́zbekstannyń joǵary qadaǵalaý organdarynyń basshylary, sonymen qatar, ShYU Hatshylyǵynyń jáne Aımaqtyq terrorızmge qarsy qurylymy atqarý komıtetiniń ókilderi qatysty.
Otyrys barysynda kún tártibiniń ózekti taqyryptary talqylandy. Atap aıtqanda, shekaralas ekonomıkalyq qylmysqa, sonyń ishinde zańsyz jolmen kelgen kiristi jylystatý jáne uıymdasqan transulttyq qylmysqa qarsy kúreste quqyqtyq kómek kórsetý máseleleri qaraldy.
Otyrys qorytyndysynda hattama qabyldandy, onda prokýrorlar keleshekte de is júzindegi yntymaqtastyqty nyǵaıtýǵa, transulttyq qylmysqa qarsy kúreste tıimdi jáne úılesimdi saıasatty júrgizýge daıyn ekendikterin bildirdi.
Osy forým aıasynda Qazaqstannyń Bas prokýrory Belarýs, Qyrǵyz, Tájikstannyń bas prokýrorlarymen, sonymen qatar, Qytaı, Reseı, Ázerbaıjan jáne Ýkraınanyń ókilderimen ekijaqty kezdesýler ótkizdi. Kezdesý barysynda qylmysqa qarsy kúres salasyndaǵy yntymaqtastyq týraly sóz boldy, dep habarlady Bas prokýratýranyń baspasóz qyzmeti.